LVM3-M6 Mission: ఎల్వీఎం3-ఎం6 మిషన్‌ను విజయవంతంగా ప్రయోగించిన ఇస్రో.. కక్ష్యలోకి బ్లూబర్డ్ బ్లాక్-2..

ISRO Launches LVM3-M6 Mission: భారత అంతరిక్ష పరిశోధన సంస్థ (ISRO) బుధవారం డిసెంబర్ 24 ఉదయం 8:55 గం.లకు LVM3-M6 మిషన్‌ను విజయవంతంగా ప్రయోగించింది. బ్లూబర్డ్ బ్లాక్-2 ఉపగ్రహాన్ని కక్ష్యలోకి చేర్చింది. అమెరికాకు చెందిన AST స్పేస్‌మొబైల్ సంస్థతో కలిసి ఇస్రో ఈ ప్రయెగాన్ని నిర్వహించింది. ఈ ప్రయోగం ఉపగ్రహ సమాచార మార్పిడిలో ఒక చారిత్రాత్మక మైలురాయిని సూచిస్తుంది.

బ్లూబర్డ్ బ్లాక్-2 అంతరిక్ష నౌక, ఎల్వీఎం3 రాకెట్ చరిత్రలో భూమికి సమీప కక్ష్యలోకి ప్రవేశపెట్టిన అత్యంత బరువైన పేలోడ్. 223-చదరపు మీటర్ల భారీ దశల శ్రేణి యాంటెన్నాను కలిగి ఉన్న ఇది, భూమి సమీప కక్ష్యలో ఇప్పటివరకు ఉంచిన అతిపెద్ద వాణిజ్య సమాచార ఉపగ్రహం.