Vaibhav Suryavanshi Record: దుబాయ్లోని ఐసీసీ అకాడమీ గ్రౌండ్లో యూఏఈతో జరిగిన U19 ఆసియా కప్ ప్రారంభ మ్యాచ్లో టీమిండియా చిన్నోడు వైభవ్ సూర్యవంశీ 95 బంతుల్లో 180 స్ట్రైక్ రేట్తో 171 పరుగులు చేసి హిస్టరీ క్రియేట్ చేశాడు. తన అద్భుతమైన ఆటలో తొమ్మిది ఫోర్లు, 14 సిక్సర్లు బాది 17 ఏళ్ల ప్రపంచ రికార్డును కూడా బద్దలు కొట్టాడు.
14 ఏళ్ల ఈ యువ ఆటగాడు ఆస్ట్రేలియాకు చెందిన మైఖేల్ హిల్ రికార్డును బద్దలు కొట్టి యూత్ వన్డే చరిత్రలో ఒకే ఇన్నింగ్స్లో అత్యధిక సిక్సర్లు బాదిన ఆటగాడిగా నిలిచాడు. ఫిబ్రవరి 2008లో నమీబియా U19తో జరిగిన మ్యాచ్లో హిల్ 71 బంతుల్లో 124 పరుగులు చేసి 12 సిక్సర్లు బాదాడు. యూత్ వన్డేల్లో భారతదేశం తరపున రెండవ అత్యధిక వ్యక్తిగత స్కోరును నమోదు చేయడానికి వైభవ్ సూర్యవంశీ 14 సిక్సర్లు కొట్టడంతో 17 సంవత్సరాల తర్వాత రికార్డు బద్దలైంది.
2002లో ఇంగ్లాండ్ U19 జట్టుపై టీమిండియా ఆటగాడు అంబటి రాయుడు 177 పరుగులు చేశాడు. సూర్యవంశీ 23 సంవత్సరాల తర్వాత ఆ రికార్డును దాదాపుగా బద్దలు కొట్టబోయాడు, కానీ 7 పరుగుల దూరంలో అనూహ్యంగా బౌల్డ్ అయ్యాడు. టీమిండియా తరఫున యూత్ వన్డేల్లో అత్యధిక స్కోరు చేసి ఆటగాళ్ల జాబితాలో రెండో స్థానంలో నిలిచాడు.
మొత్తం మీద టీమిండియా 50 ఓవర్లలో 6 వికెట్ల నష్టానికి 433 పరుగుల భారీ స్కోర్ సాధించింది. ఛేదనలో యూఏఈ నిర్ణీత 50 ఓవర్లలో 7 వికెట్ల నష్టానికి 199 పరుగులు చేసింది. దీంతో టీమిండియా 234 పరుగుల భారీ తేడాతో ఘనవిజయం సాధించింది.
